تغيير ساعة الزيت واحتيال الورش وتنبيه مهم جدا لاصحاب الفورد

18 16

لايمكنك التصويت حتى الحصول على 20 نقطة على الأقل
إضغط هنا للإخفاء

جاسم 12 -251
قبل 9 سنه و 2 شهر

السلام عليكم ورحمة الله وبركاته ..

اول شي مبروك عليكم الاجازة :d
ثاني شي ندخل بموضوعنا اليوم العصر وانا منسدح فكرت وقلت ليه ماروح لصادق محمد حمزة واخذ من عنده ساعه الزيت دامني فاضي واركبها
المهم وتحمست ومشيت طبعا سبب تغييرها هو اني اكلت حفرة ومن وقتها وامبير الزيت يلعب لعب عندي راح انزل مقطع له
حفرة جامده والله اظنها لعبت بالساعه حركتها من مكانها او ان نفس الساعه خلاص عمرها انتهى والحفرة قضت عليها
اخذت الساعه او مايسمونها بحساس الزيت بـ40 ريال
وطلعت عيونه وخلاها بـ30
قلت بنفسي خلني اختبر الورش اللي بروح لهم بقولهم امبير الزيت يلعب وماني معلمهم ان الساعه خربانه
رحت وسالت الاول كان تركي نظر بالسيارة وفتح الغطا حق الزيت للمكينة وطلع العيار وركب جربها قال هاي بدها شغل كهربا هات 200 ريال وتعال العشا تكون مية بالمية
قلت ممضمون الشغل؟ قال انا مسؤول لو ماتصلحت قلت يجيب الله مطر ورحت للثاني هندي قال هذا ممكن طرمبة حق زيت خربان مايطلع زيت> ونلف للثالث طالع بالسيارة وقال ممكن العداد خربان يبيلك عداد جديد الطرمبة مافيها شي فكني من الطرمبة وجاب لي عداد :d
المهم سحبت عليهم ورحت لواحد قلت له امسك ابي اغيرها>قال ليش غير وقلت السالفه قال هذا طرمبة زيت مافي ساعه ساعه مايسوي كذا قلت غير وانت ساكت وبتعطيني ضمان ع شغلك
سكت وقال 50 ريال شغل يد
قلت توكل واشتغل المهم وفكها وغيرها وكنت جنبه حاشره بالحفره عشان مايكسر شي بالمفك لان فكها يبيله يد خفيفه ماهو تسوي فرعون وتعدمها تنكسر عليك
المهم خلص وعطيته حقه وحركت رصيت ع البنزين لاخر شي وتعمدت اكل حفر والحمدلله العداد ثابت وبلا شغل كهربا وبلا عداد وطرمبة ولو بحلف اللي قالوا كذا يعرفون انه ممكن من الساعه خصوصا التركي بنبرته كانه يختبرني يبي يشوف انا افهم والا لا عشان يحدد مقدار النصبه علي
عاد رجعت مستانس اني كاسر خشومهم ووقفت عند بقالة على دحديره
ومن الحماس اربططط جلنط بقوة وانقطع السلك
>الله لايسود وجيهنا
قدام الخلق بس
نزلت ولقيته الامامي
عاد سحبت ع البقالة واروح للتشليح قالي الامامي اليوم جوني 3 وانت الرابع تطلبه
قالي موديل99 قديم اتوقع سلك الجلنط انتهى عمره المفروض يتغير كامل لكن هنا محد يغير الا اذا خلاص حلله
قلت بكم عندك قال السلك الامامي 100 والتركيب 120 يعني 220 قلت قم والله ماخذه قال هذا سعره
عاد اتفقت مع واحد من العيال
يجيبه لي بكره بـ100 وبروح لواحد يقولون ان يركبه بـ80

وبس والله هذي سالفتي اليوم تستفيدون منها ان المكانيكيه اللي هنا
تاشيرات سواقين وطباخين
وكفيله تركه وراح يدور شغل وطاح بورشة
وتعلم فينا حاول قد ماتقدر تاخذ من اهل الخبره وتحاول تكتشف عطل سيارتك بنفسك ولاتاخذ اول سعر يقابلك تاكد ان فيه ارخص دائما

اما التنبيه لاصحاب الفوردات خصوصا موديلات ماقبل 2003
لاترص ع الجلنط مثلي من الوناسة رصيت وانقطع رغم انه
كان شغال معي ويمسك مثل الحلاوة لكن الشدة وعمر السلك قديم خلاص.قضت عليه
. التنبيه الثاني ترا مشكله امبير الزيت لاحظتها بكثير فوردات بعضهم يطنش نهائي دام مافيه اصوات بالمكينة والبعض يشك ويوسوس ياخي غير ساعه الزيت اول شي كلها 90 او80 مع التركيب وشوف يمكن تصلح معك مثلي انا كنت اذا رصيت يعني دبلت دعسه يرج الامبير واذا اكلت حفر او طرق متعرجه يهز بقوة.
وختاما اتمنى لكم اجازة سعيده
-الفيديو صورته قبل الاصلاح لامبير الزيت و الصور تم اقتباسها
من موقع
ولكن لدي ملاحظة صغيره
بعد اخراج الحساس مانقص عندي نصف لتر مثل ماهو مذكور مادري ليه لكن عايرت الزيت وسليم مثل ماهو انتبه تدرعم تزيد زيت بدون ماتشيك ع العيار,والسلام خير ختام

https://www.youtube.com/watch?v=RnujE-Wq64Y&feature=youtu.be

إبلاغ

الردود